منتدى العلم و المعرفة

منتدى العلم و المعرفة
 
الرئيسيةالبوابةالتسجيلدخول

شاطر | 
 

 ؛؛ [ بــــــــاب الــــحــــارة ] و [ ريــــــال مـــــدريــــــــد ] ؛؛

اذهب الى الأسفل 
كاتب الموضوعرسالة
ابو مصطفى
مشرف
مشرف
avatar

عدد الرسائل : 96
تاريخ التسجيل : 11/09/2008

مُساهمةموضوع: ؛؛ [ بــــــــاب الــــحــــارة ] و [ ريــــــال مـــــدريــــــــد ] ؛؛   الإثنين سبتمبر 22, 2008 11:47 pm


::
بسم الله الرحمن الرحيم ::
[center]أحبتي في الله ؛؛ أحب أن أضع بين أيديكم موضوع فكاهي من نسج الخيال وهو عبارة عن حوار بين بين أبطال







وأتمنى لكم قراءة ممتعة





ملاحظة / الكلمات التي بــ اللون البنفسجي والتي هي من بين الأوقواس عبارة عن توضيح









****************






[] حارة الضبع []













أبو قاسم: الله يرحمك يا صهري [ أبو عصام ] كنت مشجع كبير لــ ريال مدريد و وأنت سبب تعلقنا بــ ريال مدريد واللي كان محلّي مباريات ريال مدريد هو شوفتها مع الحكيم [ أبو عصام ] ؛؛ الله يرحمك الله يرحمك ويدخلك فسيح جناتك يا صهري









أبو شهاب ( هشام ): إيه والله ياخي كان رجّال زقرت وأبظاي وبيعجبك كمان ؛؛كان ما شاء الله عليه مشجع وفي لــ ريال مدريد وكان يحلل كل المباريات أحسن من إللي اسمه [ طارئ دياب ] ؛؛ لكن عهد على رأبتي (رقبتي ) لاخد بتارك (بثأرك) يا صهري ؛؛ خلاص [ سعاد ] امسحي دموعك خلصنا خلصنا ؛؛ كل شي بأمر رب العالمين









سعاد: ولي على آمتي (قامتي) ؛؛ كيف بشوف الطابة ( الكورة) بدون تاج راسي [ أبو عصام ] ؛؛ لك هلاّ كل ما بشوف ريال مدريد بتزكر (بتذكر) زوجي وابن عمي [ أبوعصام ] الله يشيلكن يا جيش الدرك.









عصام: يامو يامو( أمي) الله يخليكي غيّري الموضوع ؛؛أصل أنا بــ البيت كل حريمي بس يتكلموا عن ريال مدريد و برشلونة [ لطفية ] طالعة لامها بتشجع برشلونة و [هدى] بتشجع ريال مدريد ؛؛ أنا ما عاد بدري كيف أعاملهن التنتين؛؛ وعن موسم الصيف اللي خلص علينا بدون لاعيبي كتار ؛؛ تضرب على راسك يا كالديرون انتهى الصيف وانت بس فاضي للحكي والترترة و الكلام اللي ماله لزوم.









معتز : شو رأيك لو تهدد مرتك [ لطفية ] بــ الطلاق عشان تترك برشلونة؛؛ يلا خلينا نروح يا عصام عــ الأهوة (القهوة) عند [ أبو حاتم ] ؛؛ وخلينا ناخد منه كم حكوة عن ريال مدريد وتكتيكاته اللي بيطّير العأل(العقل) سكّر الباب وراك يا عصام









عصام: فكرة حلوة أبو العز وأهم إشي ولدي يصير مدريدي بحت ،، شوف [ أبو بدر] كيف يمشي هههههه









معتز: أبو بدر تعا تعا تعا ( تعال) ؛؛ يا مال الشوم عليك ؛؛أنا نفسي تايرة (ثايرة) عليك بعطيك كف وأطؤ(أطق) راسك بالحيط ؛؛ وأنا بضربك لأنك بتشجع [ برشلونة ] خذ هدا الكف وهدا البوكس









أبو بدر : خلاص خلاص خلاص ؛؛ أنا من هلاّ تركت تشجيع برشلونة وصرت مدريدي عن حأ وحئيئ (حق وحقيق) ويسطفل برشلونة وميسي ولابورتا واللي خلّفوه كمان ؛؛واللي تشوفوا عمي معتز أنا بخدمتك .









عصام : خلاص أبو العز اتركه وخلينا نروح لــ أبو حاتم.أكيد لحد هلاّ زعلان على روحة روبينهو يا بو العز









أبو حاتم : يا هلا وسهلا برجال الحارة ؛؛ أبو مسلّم جيب الشاي لأحلى أبظايات في الحارة بسرعة بسرعة









معتز: أبو حاتم شو رأيك في موسم الميركاتو بعد ما خلص علينا بدون صفقات كبيري (كبيرة)









أبو حاتم : أخخ أخخ ؛؛ لك أنا بدّي أروح أمسك كالديرون وأعطيه علأة (علقة) تدعيلي عليها يا أبو العز ؛؛هــ الرجال كالديرون يتكلم كلام كتير كتير وبجيب إلنا أسماء لعيبي كتار ؛؛لكن ما شفنا حدا بنوب بنوب ؛؛ الفريق وااااضح إنه محتاج لــ مهاجم بيلعب مع الرود و راؤول في الهجوم ؛؛ ياخوفي يجي يوم يرجع الفريق لأيامه السودا ؛؛ ظلينا ورا رونالدو طووووول الصيف وأخرتها ما شفنا لا رونالدو و غيره ؛؛ يسطفل رونالدو واللي جابه يا مال الشوم عليه؛؛ وكمان ديفيد فيا الأهبل بيروح ويجدد العأد(العقد) حتى عام 2014م









أبو بشير: إيه والله ؛؛ هــ الصيف راح علينا من غير ما نجيب كم لاعب يفيد الفريق وخصوصاً الهجوم؛؛ المشكلة إن راؤول و الرود كلهن يلعبون في مركز راس الحربة وبس ؛؛ يعني لعبهم مع بعض البعض ما عم بيصلح بنوب نبوب؛؛والله شي يبعئد (بيعقّد) يعني شو شايف ديفيد فيا في فالنسيا هو كان بيدخل التاريخ من أوسع أبوابه لو إجا(جاء) لريال مدريد ؛؛ بس بيجيله يوم بيجلس يعض اصابيعه على تفويت ها الفرصة









أبو مرزوق: يا ريال أحمر يا ريال ؛؛ أوووف العمى ؛؛ يا ريان أحمر يا ريان ؛؛ كل هاد حب لريال مدريد ؛؛ خلني بس أقوم سكّر المحل وأروح الأهوه(القهوة) عند رجال الحارة









أبو خاطر: أنا يا جمعة الخير بحس نفسي مخنوء(مخنوق)
شوي من القهر اللي ساواه لي كالديرون ؛؛ عم ببيع اللاعبين واحد واحد
آخرتها ما شفنا منه شي ؛؛ كأنه عم بيجمع مصاري عشان يشتري فيها في موسم
الشتا الجاي ؛؛ واللي فائعلي (فاقع لي ) مرارتي هو روحة روبينهو المسكين وعدم وجود بديل إلو ؛؛ قرار عدم شراء بديل لروبينهو قرار مش مهضوم بنووووب ؛؛ شي يحزّن بس استغفر الله العلي العظيم













أبو غالب : بليلة بيلة بلبلوكي وفي الليل سلؤلكي(سلقوكي) وفي النهار بيّعوكي وأنا برشلوني ؛؛ شايفكن يا عضوات حارة الضبع عم بتحكوا عن مين عن ريال مدريد ؛؛ شو كان ريال مدريد ؛؛ الله يرحم أيام برشلونة يوم كان جاي رايح وعم بياخد بطولات ؛؛وهاد شيخكم كالديرون عم بيكدب عليكم ليل نهار ؛؛ مرة كاكا ومرة رونالدو









عبده : إنت إلتها(قلتها) يا أبو غالب >> الله يرحم برشلونة ؛؛ يعني مات يعني لازم تجهزوله كفن ؛؛ بحضور الأسد اللي هو ريال مدريد محد حيوأف (يوقف) إدّامه ( أمامة) شو ما كان حجمه ؛؛ وتاني مرة لازم تحترم أسيادك يا بيّاع البليلة









أبو شهاب: شو رايك يا أبو غالب إنك تنإلع (تنقلع) من خلإتي(خلقتي) لأن خاطري أمسكك مع رأبتك(رقبتك) مشان مرة تانية ما تفتح تمّك(فمك) لا عن الريااال ولاعن أي شي متعلإ (متعلق) بكالديرون ؛؛وخلك إنتا مع ناديك وشيخكم لابورتا إللي عايش مشاكل مع ادارته ؛؛ روح امشي بعيد يا واطي









أبو غالب: أأأأأأنا رايح رايح هلاّ ؛؛ بليلة بلبلوكي وفي الليل سلؤكي وفي النهار يا روبينهو باعوكي .









أبو شهاب: لك هاد الواطي أبو غالب زكرني (ذكرني) بروبينهو وطلعته من النادي اللي ما حبيتها بنوووب ؛؛ لو جددوا معه العئد(العقد) من أول ما طلب كان أحسن كتير كتير ؛؛ كالديرون كان عاملي فيها زكي(ذكي)كان بيريد رونالدو بالأول ومن تم يرمي روبينهو رمية ما يعلم فيها إلا الله سبحانه و تعالى ؛؛ لكن ما استفدنا لا هيك ولا هيك









أبو مرزوق: لالالا يا يابو شهاب ؛؛ روبينهو خرج
من النادي مشان المصاري ؛؛كان بده مصاري كتير كتير ؛؛ هيك هن اللاعيبي
البرازيليين همه الأول الفلوس وبس ؛؛ يسطفلوا الله لا يردهن.









خاطر: بس أهم شي يا جماعة إننا جبنا لاعب ممتاز كتير كتير ؛؛ وأنا مأهور(مقهور) من حكي روبينهو إللي آله(قاله) لــ ادارة ريال مدريد









أبو شهاب: يا جماعة يا جماعة روبينهو خرج من النادي مشان ما حدا احترمه لا كالديرون ولا مياتو ؛؛ وشكلين ما بحكي هاه.









معتز: مشان الله يا جماعة الخير فضوها سيرة ؛؛ خلاص روبينهو راح وما في إشي راح يرجعه إلنا ؛؛ خلونا نحكي في مستأبل(مستقبل) الفريق وفي موسم الشتا لنا حديس(حديث) بإزن (بأذن) الله.









أبو حاتم : الفريئ(الفريق) حالياً مكتمله صفوفه سواء الدفاع أو الوسط بس بينؤصنا(ينقصنا) لاعب جناح مشان يشكّل قوة في الوسط مع روبين ؛؛ وكزلك(كذلك) لازمنا لاعب مهاجم سريع كتير ومهاري ؛؛ مشان يساعد الرود أو راؤول ؛؛ ويا خوفي إن الفريئ(الفريق) راح يعاني من بطئ الهجوم ؛؛ يعني لو القعيد [ شوستر ] يعطي فرص كتير لــ هيغوين بيكون أحسن للكِل ؛؛ وبكفّي إن هيغوين لاعب متحرك وسرعته منيحة ومهارته وكويسه









عصام: كلامك درر يا عم أبو حاتم ؛؛ هيغوين لازمله يلعب دأيئ(دقايق) كتار حتى يكسب السقة(الثقة)









أبو شهاب: شوبك(اشبك) رايح بالك بعيد يا أبو خاطر ؟؟









أبو خاطر: أخي أبو شهاب حال راؤول معزبني(معذبني) كتير كتير ؛؛ محد عم يفهم ان راؤول مركزه بس راس حربة ؛؛ رجوع راؤول للورا ما حبيتها بنووب ؛؛ بيفإد(يفقد) خطورته لو خرج خارج الــ 18









أبو بشير: كلامك مزبوط يا أبو خاطر ؛؛ راؤول ما عم يعرف يمر من الخصوم فــ الواجب عليه إنه يكون مهاجم صريح وبس ؛؛ بس مين يفهّم العقيد شوستر









شباب الحارة: كلنا متفئين(متفقين) معاكم .













أبو شهاب : يالله ؛؛ خاطركن يا رجال الوئت(الوقت) تأخر ؛؛ لا توخزنا(تواخذنا) يا أبو حاتم ؛؛ تصحبوا على خير يا رجال









أبو خاطر: خدنا معك ؛؛ تأخر الوئت(الوقت) ؛؛ أصلا كلنا رايحين عــ البيت









أبو حاتم : نشوفكن على خير بحول الله ؛؛ ولا تنسوا تجوا لعندي شوفون مباراة [ ريال مدريد و نومانثيا ] والشاي على حسابي













*************













[] نسوان حارة أبو الضبع []



















[ زفّة العريس>> ريال مدريد ]









أم زكي:









أويييييييييه عليك يا ريال مدريد









أوييييييييييه يا فريئ (فريق) متل الحديد









أويييييييييييه لما تجردّهم تجريد









أويييييييييييه يا ويل الخصوم من الوعيد









أوييييييييه لما تؤتلهم (تقتلهم) من الوريد لــ الوريد









ويا حاسد صلي على النبي وزيد









كلللللللللللللللللللي كللللللللللللللللي


************









[] حارة أبو النار []










أبو غالب: سلام عليكم عقيد أبو النار









أبو النار: لك فينك لهلاّ باب حارتنا كان بيتسكّر لو تأخرت شوي ؛؛ وبعدين آلبة(قالبة) خلأتك(خلقتك)









أبو غالب: وشّي(وجهي) ألب(قالب) من أهل حارة الضبع ؛؛ شايفين ريال مدريد الكل بــ الكل ؛؛ وما ألوا(قالوا) إشي منيح عن برشلونة ؛؛ كِل كلامهم كان سب وشتم لبرشلونة .









أبو النار: أخخخخ ؛؛ لك يصطفلوا هن و ريال مدريد ؛؛ أنا معد بدّي أسمع أي كلمة عن ريال مدريد ؛؛ أخخخ عــ الشرشحة إللى أكلناها منهن في الموسم الماضي ؛؛ 1-0 و 4-1 ؛؛ أبوغالب إياك تردد اسم ريال مدريد مرة تانية.









أبو الحكم: خلصنا يا أبو غالب روح نام وفكنا من سيرة ريال مدريد .













************









[] مخفر الشرطة []





















أبو جودت: يا نوري يا نوري ؛؛ لك فينك عم بناديك فين رحت









نوري: أهلا سيدي انا تحت خدمتك ؛؛ وكل شي بتطلبه أنا بنفزه(بنفذه) بالحرف الواحد









أبو جودت: روح هلاّ لحارة الضبع وعايزك تعدلي كم مشجع مدريدي عندهن بالحارة ؛؛ أخخخ أنا بكره هي الحارة لأني بكرة ريال مدريد ؛؛ وراح أوريهن شغلهن









نوري: سيدي أصلا كل حارة أبو الضبع بيشجعوا ريال مدريد ؛؛ أصلا هــ الحارة من شروط السكن فيها لازم الواحد يكون مدريدي









أبو جودت: أوووف عليهن ؛؛ خلاص خلاص روح شوف شغلك يا نوري.























**********************







ملاحظة/ هذه القصة ســ تكون الحلقة الأخيرة من مسلسل [ باب الحارة ]
وفي الختام أرجوا أن ينال الموضوع الفكاهي على رضاكم

[/center]

_________________
[img]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Mr.khalid
Admin
Admin
avatar

عدد الرسائل : 587
العمر : 34
الموقع : منتدى العلم والتكنولوجيا
تاريخ التسجيل : 08/05/2008

مُساهمةموضوع: رد: ؛؛ [ بــــــــاب الــــحــــارة ] و [ ريــــــال مـــــدريــــــــد ] ؛؛   الثلاثاء سبتمبر 23, 2008 6:05 pm

مشكور اخي أبو مصطفى

فعلا روعة بارك الله بك

شكرا لك على ما اتحفتنا به من روائع

اضفت على وجوهنا البسمة تحياتي لك



_________________
Mr.khalid

الادارة



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fethaghoros.hooxs.com
 
؛؛ [ بــــــــاب الــــحــــارة ] و [ ريــــــال مـــــدريــــــــد ] ؛؛
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى العلم و المعرفة :: القسم العام :: القسم الرياضي-
انتقل الى: